Thursday, October 25, 2007

Kuch Aise...

Meri aankhon ko kuch accha na lage
Kuch aise tum mujh se nazren milana

K din ka har pal har lamha suhana lage
Kuch aise mere sath tum kuch waqt bitana

K hansi mere labon se utarna na chahe
Kuch aise mere liye tum muskurana

K ho jaye mujhe khushiyon ki aadat
Kuch aise meri zindagi se ghamon ko mitana



K mujh main bhi jage sapne sach karne ki ummeed
Kuch aise tum mere liye khwab sajana

K main har raat ka intezaar karoon
Kuch aise tum mujhe aasmaan ka wo tara dikhana

K tum dekhte raho mujhe har dam
Kuch aise mujhe apne saamne bithana

K main naaraaz hona chahoon baar baar
Kuch aise tum mujhe roothne par manana

K karta rahoon tujhe pyaar umar bhar
Kuch aise shama-e-mohabbat ko jalana

K ho mera basera kahin aur namumkin
Kuch aise kuch aise mujhe apne dil me basana

K ban jao mere dil ki dharkan
Kuch aise tum mere dil me samana

K namanzoor ho mujhe kisi aur ka hona
Kuch aise tum mujhe apna banana

K mujhe baarish ki boonde bhi adhoori lage
Kuch aise mujh par tum pyaar barsana

K banjaye hum mohabbat ki misaal
Kuch aise tum is rishtey ko nibhana

K zindagi ka aakhri pal bhi haseen lage
Kuch aise mujhe tum gale se lagana
K maut bhi hame juda na kar paaye
kuch aise main tera ho jaoon...
kuch aise..tum meri ho jaana!!